غزلیاتی از مرحوم بهلول "مدرس"               

مرحوم مدرس از شعرای شهر تبریز بودند که در سال ۱۳۸۷ به دیار باقی شتافتند بنده حسب وظیفه دوستی که با وی داشتم چند غزل ترکی ایشان را منتشر می کنم از خانواده محترم ایشان نیز در همکاری و دادن این اجازه به بنده کمال امتنان را دارم.

نفرین

 گوروم مَنده ن سورا دیلبر لَبین پیمانه سیز قالسین                 
 یاناقین شمع تک یانسین، ولی پروانه سیز قالسین
اگر مَنده ن سورا گِتسَن گلستانه رقیبیمله
 گولی سولسون گلستانین، چمن ریحانه سیز قالسین
او قِیقاجی باخان گوزلَر مبادا سرمَه سیز اولسون

ایراخ گؤزدَن، قارا زولفون داغیلسین شانه سیز قالسین
  گدایم کوی عشقینده اسیر و می پرستم من
بیر آز فکر ایله گور کویین اولار مستانه سیز قالسین
طلانین قیمتی یِنمَز مکانی اولسا ویرانه
دو گَل ویرانیه قویما کُونول جانانه سیز قالسین
نصیب ایم اولمیَن یِرده لب و لعلین شرابیننن
سَرِ کویین خراب اولسون می و میخانه سیز قالسین
گوروم سولسون گلستانین داهی هیچ گولمَسین سوسن

چَمَنلَر ریشه دَن یانسین هَزارین لاله سیز قالسین
 "مدرس" خاک پاییینده اُوزون قویموش نماز ایتمیش
 دَییر انصاف ای دلبر اودا پیمانَسیز قالسین 

آرزو

بودور آرزیم گَله یاریم اُوپَم بیرده یاناقینَّن
سورام زنبورتَک شهدین آلام اُول گول دوداقینَّن
سیزیلدیر سینه ده گویلوم سینیخ نِی تک گلیر درده
دیلیم توتمور دیَم بیر بیر نَلَر چَکدیم فراقینَّن
یاماندیر آیریلیق، اُولدوم دیریلدیم آیریلان گوندن
کور اولدی آغلاماخدان گوز خبر یوخ سَس سوراقینَّن
دِدیم دفن ایلیین اُولسَم منی تاکین ایاقینده
گلیب یاریم گِچَن وقته اوپوم بلکه ایاقینَّن
دیین لیلایه نازیله بیله محفلده ایلشمه
سرشگ چشم مجنونین آخیر داغلار بوجاقینَّن
دیین موسی یه ال اوزسون عیال و هر نه وارینَّن
نگارین جلوه ی نوری چیخیر طورین اوجاقینَّن
دیین یعقوب کنعانه اَل اوزسون وحشی حیوانان
اگر اوز یوسفین ایستیر تاپار زندان بوجاقینَّن
"مدرس" هر گجه  آغلیر سیزیلدیر قوش کیمین سویلور
اولونجه یاری گورسیدیم اوپردیم گول یاناقینَّن

 

 

اَبر نیسان تک توتولموش قلب نالانیم منیم

ایسلادیر دامانیمی بو چشم گریانیم منیم

جانمی یاندیردی هجران آتشی یوخ سوندورن

یاندیرار داغ داشلاری بو آه سوزانیم منیم

هر بلا گَلدیکجَه دوزدوم دینمَدیم یاندیم عجب

سویلَدی جانان هَله وار اوتلی نِیرانیم منیم

اورگَشیب جان یانماقا یانسین نه قَدر ی وار نفس

قوی تماشا ایله سین اُول نازلی جانانیم منیم

من هارا گِتسَم منیله همسفر دور دَردو غم

سویمورَم من تَک لیگی غَملَردی میهمانیم منیم

اِتمرَم بیرآن گلایه اولسا دردیم هر قَدَر

عشقه جانانیم اولار دَرد ایچره درمانیم منیم

یانماسا جان لایق جانان اولانماز ای رقیب

آتش عشقه یانارایللَر بویی جانیم منیم

ساقیا وِئر جام می من سوندوروم هجران اوتون

یانماسین قلبیمده کی بو رشته پیمانیم منیم

دینی وی بیر عشویه ویردین "مدرس" عیبی یوخ

آلدی ایمان مولکونی نازیله سلطانیم منیم

 

 صید ایدیب صیاد تک جانا او زیبا گوزلرون

جان آلار هر لحظه ده مینَّرجَه شَهلا گوزلرون

سالسا گون اوز شوقونی دریانی تسخیر ایلَمَز

ایلییب تسخیر خورشیدی او دریا گوزلرون

نیّریم ای آفتاب عالمِ عشقیم منیم

قویما کَسسین جلوَه سین جانا شَکیلا گوزلرون

من او گونَن کی سنیلَن آشنا اولدوم دیدیم

اَحسن اُول خلاقه کی خلق ایتدی زیبا گوزلرون

صحبتین شیرین سوزون شیرین اوزون شیرین سن

الله الله جان آیر وقت تماشا گوزلرون

گوزلرون بیماریم ای عالمی بیمار ایدن

کونلومون زخمی بویور اتسین مداوا گوزلرون

ایلدیم نذر تصدیق نقدی جانیم گوزلره

تا بلادن دور اولا بلکه پریسا گوزلرون

عشقیمی ایتسم نهان روحیم بدنن آیریلار

قوی "مدرس" ایله سین هر دم تماشا گوزلرون

 

 صفحه نخست